En numerosas feiras e eventos de recreación histórica, artesanía, etc, atopámonos cunha deliciosa parella, a formada por Moncho e Irene, titulares do taller de xoiería “Arco dá Vella”, e en consecuencia, tivemos a oportunidade de gozar, ademais do seu gran talante e conversación, cos deseños das súas xoias, principalmente en prata, e que ano tras ano non deixan de sorprendernos.
Xoiería artesanal que nos permite acceder a pezas únicas, con deseños modernos en todo tipo de aneis, pendentes, pulseiras, colgantes, etc, elaborados con mimo, calidade, excelente deseño e ademais con magníficos prezos.
Sen ningún outro interese pola nosa banda, mais que difundir o seu bo facer, recomendamos que, se vos coincide pasar polas Feiras Medievais de Noia, de Monforte de Lemos, Arde Lucus, Ares indiano, Mercado castrexo de Boiro, o desembarco Normando de Foz, Feira franca de Betanzos, Artemar en Ribeira, e moitos máis…, acheguédesvos a coñecelos a eles e ás súas creacións.
