A importancia de lembrar e homenaxear aos aresáns migrantes no século XX; a necesidade de construír unha memoria colectiva que revalorice tanto aos que tiveron máis éxito como aos que non; unha festividade para caracterizarse e regresar ao momento histórico fundamental na historia do pobo… Estes son os cimentos fundacionais de Ares Indiano, unha celebración que permite contar con exposicións, relatorios, actividades culturais… relacionadas cos indianos galegos.