A edición 2019 do Mercado Medieval de Alfoz terá lugar entre os días 19 a 21 de xullo.

O Mercado de temática medieval vai ata o 1483, ano no que foi  detido o Mariscal don Pedro Pardo de Cela nas inmediacions da Torre do Homenaxe do Castelo do Castro, que está asentada nun castro celta, e recrea un mercado da época con produtos de alimentación e artesanía dos distintos sectores que convivían na zona da Mariña Lucense, onde cabo destacar un antigo horno de pan no que se coce pan e fanse talleres para nenos.

Aparecen representados distintos personaxes da época, Juana a Beltraneja, o Mariscal e a súa familia, o bispo e o clero, guerreiros, e vasaios entre outros.

Outras actividades que ambientan estas xornadas son as seguintes: ruta de senderismo, exposicións no interior da Torre, misa en latín, representacións teatrais varias, espectáculos de rúa, malabares, monigotes, conta contos, vodas medievais, exposición e exhibición de aves rapaces, xogos medievais ecuestres, tiro con arco, degustación de produtos e para terminar o evento, nunha zona preto da torre, celébrase unha cea medieval, queimada e concerto de música folk.