Camariñas reedita a iniciativa Encaixe no Camiño, que se celebra anualmente nesta fermosa vila coruñesa, e que nesta edición terá lugar entre os días 26 ao 28 de xullo. Ademais dos postos do mercado medieval, da música tradicional, das tapas de época nos locais de hostalaría ou dun desfile de moda de encaixe, entre outras moitas propostas, destacan citas como a recreación do Desembarco do rei Alfonso IX no porto, un dos momentos máis simbólicos do encontro.