Non hai mellor plan que ter a oportunidade de gozar da familia e amigos, aprender algo novo, co\u00f1ecer persoas interesantes ou ter acceso a alg\u00fan acontecemento que che faga emocionar.<\/p>\n
E un pouco de todo iso podemos atopar no magn\u00edfico libro \u201cFrancisco de Goya. O tempo tam\u00e9n pinta\u201d,<\/em><\/strong> escrito de xeito delicioso por Miguel Calvo Santos.<\/p>\n Calquera interesado na vida ou obra deste xenial pintor, atopar\u00e1 sen gran esforzo numerosas rese\u00f1as, publicaci\u00f3ns, monogr\u00e1ficos, estudos, e at\u00e9 longametraxes e series televisivas.<\/p>\n Pero nesta ocasi\u00f3n non estamos a falar dunha achega m\u00e1is, lendo este magn\u00edfico libro podemos acceder a unha visi\u00f3n moito m\u00e1is inmersiva e persoal na biograf\u00eda de Goya, para entender, compartindo ou non, a maior\u00eda das s\u00faas motivaci\u00f3ns, inquietudes, opini\u00f3ns, ideolox\u00eda…<\/p>\n Adoita dicirse que un bo retrato \u00e9 unha biograf\u00eda pintada. Neste caso, eu dir\u00eda que un bo retrato de Goya \u00e9 unha biograf\u00eda sen dubida moi ben estruturada e escrita.<\/p>\n Nesta obra atopamos a vida deas Francisco de Goya, desde o seu nacemento at\u00e9 a s\u00faa desaparici\u00f3n, f\u00edsica, pois a s\u00faa presenza art\u00edstica pervivir\u00e1 moito tempo, se non eternamente.<\/p>\n Cunha narraci\u00f3n entre o ensaio, o teatro, incluso a novela, o autor \u00e1brenos unha xanela para co\u00f1ecer , en palabras de Miguel Calvo, ao artista m\u00e1is moderno da historia, un artista marabillosamente contraditorio que soubo harmonizas esas contradici\u00f3ns dot\u00e1ndoas dunha estra\u00f1a coherencia.<\/p>\n Goya, un mel\u00f3mano cun sentido do humor mund\u00e1n, cun car\u00e1cter dif\u00edcil, inimigo da hipocris\u00eda e a inxustiza apar\u00e9cesenos, mostrando as s\u00faas fortalezas e debilidades ao longo das s\u00faas peripecias: o seu especial amistade con Mart\u00edn Zapatero, a relaci\u00f3n cos seus cu\u00f1ados, os irm\u00e1ns, e tam\u00e9n pintores, Bayeu, ou con Memgs, a s\u00faa vida matrimonial, as s\u00faas pulsi\u00f3ns pola Duquesa de Alba, as s\u00faas viaxes a Italia, o descubrimento de Vel\u00e1zquez, os seus problemas de sa\u00fade e a s\u00faa influencia na s\u00faa obra, son s\u00f3 alg\u00fans dos aspectos que de maneira sumamente atractiva c\u00f3ntanos Miguel Calvo.<\/p>\n Goya preconizaba a liberdade art\u00edstica e esta afirmaci\u00f3n refer\u00e9ndaa o autor con numerosas historias e situaci\u00f3ns que nos mostran un pintor coma se fose un reporteiro gr\u00e1fico que nos deixa pasaxes daquela terra patria co seu cheiro a xofre, pois tras un levad\u00edo reinado de Carlos III, Goya ter\u00eda que convivir co seu sucesor Carlos IV, a s\u00faa esposa Mar\u00eda Luisa de Parma e o seu fillo Fernando, o futuro Fernando VII, o rei fel\u00f3n.<\/p>\n \u00c9 unha obra que eu lin de vez, un fin de semana, encheume de satisfacci\u00f3n. Nel atoparedes unha \u00a0linguaxe sinxela e \u201cexpresi\u00f3ns contempor\u00e1neas\u201d,<\/em> cun lixeiro toque sarc\u00e1stico e ir\u00f3nico, tan propio da idiosincrasia do galego (o autor). Un libro honesto cheo de amor e devoci\u00f3n ao artista e a s\u00faa obra, escrito por un home que sabe do que fala desde o punto de vista hist\u00f3rico, art\u00edstico e cr\u00edtico.<\/p>\n Non \u00e9 unha biograf\u00eda m\u00e1is, \u00e9 sen d\u00fabida unha obra diferente, dedicada \u00e1 vida e obra dun pintor diferente.<\/p>\n A pesar de que como se adoita dicir non hai d\u00faas persoas que lean o mesmo libro, aseg\u00farovos que neste caso subscribo as palabras de Francis Bacon: \u201calg\u00fans libros son probados, outros devorados, e moi poucos masticados e dixeridos\u201d.<\/em><\/p>\n Bo proveito!<\/strong><\/p>\n <\/p>\n